Articuli Notte Turchina...

[Marcu Maria]

Per fà rinasce appena sta sezzione vi rigaleraghju ogni tantu articuli di http://notteturchina.com/" onclick="window.open(this.href);return false; :

SAI CHÈ TÙ SÌ UN « ULTRÀ » BASTIACCIU QUANDU…

Ultrà, in Bastia ? Un ci n'hè !
Iè ma… Sai chè tù sì un'ultrà quandu…




« Un hè micca viulenza! Hè tradizione! »


- Mai ch'ella sia, ùn paliserai chè tù ti cunsideri cum'è un « ultrà ».

- D'altronde, ùn sai mancu esattamente ciò chì vole dì, esse « ultrà »

- Ma quantunque, ùn la dici micca ma di tandu in tandu lampi un'uchjata nant'à Mouvement-Ultra. E ancu nant'à Culture-Ultra, s'è tù sì pistunatu.

- E compri vestiti « Stone Island » o « Fred Perry ». Ma solu perchè ghjè a moda. Infine, hè ciò chè tù dici.

- Canti tuttu u macciu in Furiani. Faci i tifò. Ai a to bascia. Ma ghjè per fà cum'è l'altri… Infine, hè ciò chè tù dici.

- Faci i « cortège », e « gestuelles croque-monsieur« , ma… Infine…

- Passi ore sane à fighjà videò di tribune è di fights nant'à youtube. Ma hè perchè t'ammerdi. Infine…

- Bon, merda avà, iè, sì un ultrà. E allora ?

- Per contru, ùn ai mai fattu « fight réglo ». Purtantu, ùn sò micca e pruposte chì mancanu !

- Ti face cacà d'esse un pocu amicu incu i stefanesi…

- « Nunca hicimos amistades, nunca las vamos a hacer », u cantu di Boca Juniors, hè dinù adattatu à l'ultrà bastiacci.

- Sai chì « Cathal Bruga« , l'ultra bastiacciu gattivu di u « PUF », hè passiunatu di Plus Belle la Vie è mette e « charentaises ».

- Sai dinù chì u famosu « Gedeon » chì si facia trattà di « salope » da i nizzardi hè oghje rispunsevule di a securità di Furiani. « Qui l'eût cru! »

- Ai ricordi magnifichi in i lochi i più persi di sta Francia: Laval, Clermont, Fréjus…

- S'è tù sì un pocu più vechju, ai cunnisciutu u stadiu di u Ray, Alès, Monaco in Furiani, i Blue Fans, i Pirates Bastiais, u Cop's Bastiais.

- Ti dici chì l'epica di Testa Mora era benedetta, senza arvedeti chì sì in traccia di campà cose simule.

- Quand'è tù ghjunghji in Furiani, u to primu sguardu ùn và micca nant'à u terrenu, ma nant'à u « parcage visiteurs »

- Ti sì battutu in Cannes, o in Lille, senza ragiò.

- Quandu ghjuchemu contr'à una squadra nemica, ancu s'è tù veni da luntanu, sì in Bastia à 7 ore di mane per vede s'elli sbarcanu di u battellu l'altri sustenitori.

- Quandu c'hè un derby in Aiacciu, fali a vigilia. Pè fà a festa. Infine, què hè a ragione ufficiale.

- Ai un tattuasgiu « 1905 » nant'à u bracciu. O allora sunnieghji di fanne unu. O allora dici quelli chì a facenu sò beaufs. Ma ti piace.

- Sì naziunalistu, di sicuru. Ancu s'è t'ùn lu sì micca sempre, in tribuna, sì naziunalistu.

- Ai cantatu, dettu è mughjatu cose veramente viulente in a to vita. Ahaha, è ti face ride o connu !

- OM, OGCN è ACA : eccu u to triangulu d'oru.

- Quand'è tù passi in Nizza, feghji a faccia di e ghjente. Sò tutti suspittati d'esse à a BSN.

- Quand'è tù fali in Aiacciu, sì cuntentu di vede ch'ellu ùn ci hè guasi chè sustenitori di u sporting.

- In Aprile 2004, o ai avutu a scianza d'avè attaccatu i carri nizzardi, o u rigreterai tutt'a to vita.

- « Descendez des cars« , sai ciò ch'ella vole dì. Tù, sì falatu parechje volte.

- Un la dici micca, ma sai chè tù ai avutu a paura in 2010 dop'à una partita contr'à Istres nant'à u portu di Nizza…

- Sai dinù chì a to rivincita, l'ai avuta più chè bè qualchì mesu dopu, passendu per Nizza andendu in Fréjus…

- I vechji ti contanu Alès, u Ray, Martigues. Tù, li poi cuntà Monaco, Cannes, Lens, Fréjus… Un ai nisuna vergogna ad avè !

- Quand'è tù falli in Aiacciu, passi sempre davant'à u Lamparo. E s'è tù passi pè Mezzavia, u caffè « U Castellu », u rimarchi più chè l'altri.

- Ti ricordi di issa sera d'ottobre 2012, quandu centu turchini cantavanu « TRIBUNA PETRIGNANI » in e vechje strette aiaccine. Les frissons o vrère.

- T'arricordi dinù di issu baschicciu chì ci hà prupostu un « 30 contre 30 réglo au Casone ». Haha.

- Dici chì l'Orsi Ribelli sò zitelli, ma in fondu di tè, sai chì u to gruppu ùn hè manc'appena più vechju.

- Sai chì 10 anni fà, dop'à i derby, rossi è turchini andavanu à manghjà inseme. Avà, s'elli si scontranu dop'à una partita, hè per tazzassi.

- Timizzolu, per tè, ghjè un'anessa di Furiani. Sai megliu chè nimu in Francia ciò chì vole dì « mettre à l'amende ».

- Sai chì a rivalità Nizza-Aiacciu ùn esiste micca. Sai dinù chì per andà à tazzà i nizzardi, sì forse falatu qualchì anni fà à aiutà i vicini ross'è bianchi chì eranu i nostri amichi à l'epica.

- Sai chì i Marsegliesi si n'impippanu di tè, ma tù, l'odii più chè tuttu.

- Purtantu, eri cuntentu di vedeli attaccà i carri bastiacci à l'ultimu derby. « Oh les corses ils ont pas tremblé, comme à la maison! »

- Ai digià cantatu « vous allez mourir » à unepochi di nizzardi impauriti in tribuna Nord.

- Ma sò sempre vivi.

- Ai passatu ore, ore, ghjorni è settimane sane in spiazzamentu. In avviò, in battellu, in vittura, in carru (incù o senza vetri), in trenu. Averebbi avutu u tempu di custruisce duie case in stu tempu persu in spiazzamentu. Ma fermanu i to più belli ricordi…

- Ti sì sempre dumandatu di chì razza eranu i sustenitori di a « Sezzione Parigi » è quelli di « L'Amicale d'Aix-En-Provence ». D'altronde, s'è tù sì statu in cuntinente, ùn sì mai statu cù ste ghjente quì.

- Ai digià lampatu petre, buttiglie di Heineken, fumisgeni, bombe agricule nant'à u bus di l'avversarii, o nant'à i sustenitori. Un hè micca viulenza, hè tradizione.

- Ti sì digià battutu contr'à un pocu tutta a Francia. Ma ùn hè micca viulenza, hè folklore.

- Per tè, u Sporting, u gruppu, ùn hè micca a pulitica. Ma tuttu ciò chè tù faci hè puliticu.

- S'è qualchissia ti dice « T'arricordi quandu Châtaigne hà mursicatu u cane?« , capisci di cosa parla.

- Sai chì « Ultras Bastiacci » ùn hà nulla d'ultrà.

- Stu connu di JMP t'hà fattu trimà parechje volte cantendu « Uniti », ancu s'è tù dici ch'ellu hè un cantu di footix.

- Sunnieghji d'esse cum'è l'Argentini di a « Gloriosa Butteler » di « San Lorenzo ».

- Ma sai chì u sol'affare di San Lorenzo ch'ellu ci hè in tribuna Petrignani, ghjè u capò, Alesiu N.

- Ti sì sempre dumandatu quant'anni avia « Fuser » dettu « Nico Capo ».

- Ti sì ancu sempre dumandatu ciò ch'ellu era andatu à futte in cuntinente !

- Sai chì Julien G, anzianu capò, cantava falsu. Sai dinù ch'ellu pigliava a Créatine pè i so pectoraux.

- Quandu vedi à u DOS vestutu di fliccu, ùn ti poi piantà di pensà à quand'ellu era nant'à u Grillage à cantà l'odiu è a viulenza!

- Sai quale hè Kiki Le Faux.

- S'è tù sì più vechju, ai ancu cunnisciutu à Kiki Le Vrai.

- Dop'à una partita, ùn ai più voce à u menu per trè ghjorni.

- Ai pientu dop'à Strasbourg è Vannes. Ma dinù dop'à Créteil è Chateauroux.

- Un rializeghji micca cum'ellu hè cambiatu Furiani in 4 o 5 anni. Un sai micca s'ellu hè un bè o un male, ma sai chì tuttu hè cambiatu.

- D'e volte ti dice « quantunque, avemu riesciutu à fà a cumedia contr'à Istres è Le Mans. Simu veramente imbecili! »

- Sai chì Sex, Pastis è Paghjelle > Sex, Drugs & Rock'n Roll.

- Dapoi ch'ellu hè apartu u lucale, s'è tù sì Bastiacciu ci passi a to vita, s'è tù sì d'altrò ci passi ogni volta chè tù colli in Bastia.

- Quandu senti a musica d'Intervilles, pensi à « J'encule l'ACA, lalalalala… »

- Quandu senti « Un'alba nova », ùn pensi micca à Joan Baez, ma à « Cuniscimu un solu culore… »

- Un sorti mai senza a to baretta « 1905″. Hè vera chì ghjè magnifica.

- Dop'à una partita, ai fumatu 2 pacchetti di sigarette, ai sudatu 2 litri, ti sì strappatu u jean, ùn ai più t-shirt, puzzi, sì più stancu chì i ghjucatori. E sì cuntentu.

- Ghjè a to sola manera di suppurtà u sporting. Un sì micca di quelli chì posanu in tribuna sud cù u so babbu è a s'amica, senza mai arrizzassi.

- Sai chì un ghjornu o l'altru, sta cumedia pianterà. Ma ùn sai micca quandu. E ùn la voli micca sapè !

[Marcu Maria]

Poca a piblicità...
U Foru hè apertu dipoi 4 mesi è quì si parla di l'articuli di u blog...

[Mr Liberté]

Guai à chì tocca à Cathal Brugha ma ossino un articulu bellissimu !

[libertà per i patriotti]

Un tutti casi felicitazione à Isidore per l'articulu.

A ringraziatti, avà t'aspettemu nant'à u foru cum'è "gold member"

[Marcu Maria]

Enjoy!

http://notteturchina.com/2013/681/nati-per-spera/" onclick="window.open(this.href);return false;

[Marcu Maria]

Aostu matura, settembre vindemia...

http://notteturchina.com/2013/698/aostu ... -vindemia/" onclick="window.open(this.href);return false;

[Marcu Maria]

Modesto cù a maglia Turchina:ritornu versu u futuru...


http://notteturchina.com/forum/viewtopic.php?f=3&t=372" onclick="window.open(this.href);return false;

[Marcu Maria]

]LFP VS SCB: U ficca ficca sempre...


Nulla di novu sottu à u sole di Francia. Eccu quì a prima lizzione strasprutiva di stu principiu di campiunatu. A Lica a si ghjoca sempre à u ficca ficca cù u Sporting è l'affare ùn hè per piantà.

U derbì Sporting-ACA :

Nantu à e baruffe, i lamenti è l'accusazioni di l'uni è di l'astri o nantu à e lagnanze numinative ùn ci turnaremu più. Ma u fattu hè chì per una situazione simule (fatti accaduti fora di u stadiu dunque sottu a rispunsabbilità di i puteri publichi, lagnanze di u club contr'à i sustenidori intruti nantu u terrenu) i clubs pinzuti avarebbinu avutu mancu una sanzione.

Di lugliu a FFF hà cunfirmatu u derbì for'di Corsica è à porte chjose.

S'ella vene cunfirmata da u CNOSF a sintenza valerà torna u colpu di risponde à e dumande infame di a Lica in ogni circustanza ?


L'affare di Nantes-Bastia :

Nantes hà fattu ghjucà à Touré, un ghjucadore suspesu. Anu u so macciu persu è Bastia si piglia i so trè punti. A discussione s'avarebbe à piantà qui. Hè ciò ch'ella dice una giurispudenza inziana. Sti pochi ghjorni squadre di Naziunale anu ricuperatu i punti di a vittoria per fatti simuli.

Ma per Bastia l'amichi di Thiriez a s'allonganu.

Allora chì per noi l'appelli in davanti à u CNOSF è u Tribbunale Amministrativu ùn sò mai stati suspensivi (Affare Kébé), a LFP hà rimessu a so decisione aspittendu a risposta à i ricorsi di Nantes. S'ella si passa cum'elli a volanu ci rindaranu i punti un'antru annu. S'elli ci mancanu per qualcosa, trippa per noi…


Dopu a so cumedia di l'annu passatu contr'à Lilla in Cuppa di a Lica, dopu u so sinemà in Mezavia cù u Gaz', u baschicciu di Chapron a ci hà vulsutu ficcà torna una volta in Guingamp.

Dui penaltì fischjati in dui minuti in fin'di partita. Manc'unu valevule. È senza Landreau ci n'intriamu in casa nostra in calzunettu.

Cunclusione :

Ùn ci ponu pate è ùn hè ancu à finì.

CQFD.

[Marcu Maria]

http://notteturchina.com/2013/740/per-b ... -a-storia/" onclick="window.open(this.href);return false;

PER BASTIA A RISUREZZIONE… PER CHIMBONDA E RUMENZULE DI A STORIA !

“A vita hè fatta a scala, à chì colla à chì fala”. Jo Bonavita


Senza decunà, un bellu pattone u li mittaria vulinteri ?

Maghju 2005. Schjatta a famosa “Affaire Chimbonda”. Hè accusatu u publicu bastiacciu di ghjasteme razziste pettu à unu di i so difensori guadaluppeanu. Per i media – è ancu per una bella parte di i dirigenti è ghjucadori, chì dopu turnaranu nantu à i so detti – sò culpevuli i Turchini.

Infatti, u ghjucadore era solu un ficcamerda pritenziunutu è senza stintu chì si miritava di fassi stringhje i farri. È basta…

Intantu chì stu fattu messe un puntu finale à dece anni di prima divisione cù e so prove ma dinù i so impiastri. U Sporting Club di Bastia si ne fala in D2, è à mumenti in Naziunale.

Per avè participatu à tumbà u Sporting, Chimbonda, chì ghjè partutu in Inghilterra, sarà ellu selezziunatu in Squadra di Francia per a Cuppa di u Mondu di u 2006 !

È dopu ?

Ghjè u situ SoFoot hà dacci a bona nutizia di u ghjornu. Dopu avè messu u rimusciu dapartuttu induv'ellu hè passatu, stu topu di cunduttu s'hè ritruvatu à ghjucà in D7 inglese… à ghjustu 31 anni. Bravu ! Oghje hà avutu una pobbò di prumuzione : vene di firmà in terza divisione purtughesa à u CD Fatima. Grosse perf', dice u francese !

A seguita di a storia di u Sporting a cunniscite : doppia cullata Lica 2 – Naziunale, mantenimentu in L1, prugettu spurtivu identitariu, vultà di ghjucadori corsi è ghjunta di ricrute di nivellu internaziunale.


Ma per ùn campà mai più affare simule, insignemu tutti à i più giovani chì u nome di Chimbondacciu deve firmà un'insultu infame ind'a corte di ricreazione, un'offesa sulenna, un casticu più feroce chè d'avè maroiche in quantità, bracci corti è unghje molle !

È mai vi scurdate chì : “Si ton voisin saute pas c'est Chimbonda” !

[Marcu Maria]

Hè vera, era dopu à una concia contru à Sainté (13/11/2004) è dopu st´inculatu hà cuntinuatu à ghjucà...