"I Arabi fora"

Per l'imparera è a spartera di a nostra lingua.
Avatar du membre
libertà per i patriotti
Messaghji : 30236
Arregistratu u : 19 Apr 2005 18:24
Lucalisazione : Réserve indienne des derniers Corses vivant sur l'île
A remercié : 1 fois
A été remercié : 24 fois

Re: "I Arabi fora"

Message da libertà per i patriotti »

U-Vagabondu a écrit :
libertà per i patriotti a écrit :

"ùn semi micca figlioli di u azardu"

Umbeuh, ci vole à chjamà à Colombo custì !
Faci nice d'ùn capì?
Innò, sinceramente. "U insignamentu" capiscu bè a rilazione "vucale + in", capiscu ancu ch'ellu si ne fia una regula vistu a logica di prununcia ch'ellu ci si pò truvà, ma inde l'esempii ch'o aghju messu u fenomenu rivene eppuru mi pare chì -in ùn s'infatta indocu. Bon, una parolla inglese è un testu foscu, a ti cuncedu neh ! Un'ultima eventualità saria quantunque di tene appenuccia contu di a poca "standardizazione" di a lingua corsa annant'à certi punti precisi, cum'è questu quì per esempiu.

PS o vagabò stammi à sente. Simu quì per barattà, micca per fà irunia. Lasciami datti un picculu cunsigliu. Saria una bona ch'è tù "adattessi" u to tonu quand'è tù interveni, cuntribuisce veramente à creà un gattivu ambiu annant'à u foru. Soca m'infiaru ma, dapoi u tempu cunnoscu e to manere è di e volte e trovu abbastanza scorte, ghjè forse tempu di riflette è di scambianne un pucucciu. A ti dicu senza gattivezza particulare, saria piuttostu l'incuntrariu. A sò chì ci simu liticati è paliseghju chì sbagli (è sbaglioni) ùn sì micca u solu ad avenne fattu, vedi chì malgratu i mo difetti appena di sale in zucca l'aghju, ma à un mumentu datu ci vole ancu à sapè appaciassi appena è girà a pagina. Osinnò induve andemu ? Emu u dirittu sacru di vede u mondu à modu nostru, di tutte e manere ci hè verità quant'è omi è cù u tempu parechje cose scambianu a viderai prestu, ma u rispettu ghjè u puntellu di tuttu. Dunque o capisci sta cosa quì, o piantemu di "discorre" perchè eiu altre suluzione ùn ne vecu. Un avaria nisun sensu di "fà nice" di dibatte s'ellu ci hè sempre issu speziu di disprezzu mutu chì piglia a suprana. Peccatu perchè à parlà u corsu simu quattru gatti, è tù a t'aghju digià detta ne sai parechju è sì (saresti) propiu interessante. D'altronde s'è tù ai una spiegazione miraculu, a toia (micca quelle -sfarente in trà di elle- di l'altri), sappia chì u mo cerbellu stancu a si piglierà vulinteri ! Un aghju mai avutu prublemi d'unestità intellettuale, di fammi passà per un sapiente pocu m'impreme, è po sapiente ùn sò. L'unicu affare chì conta in a mo vita ghjè u benistà di i mo cari, l'altru restu ghjè passione è s'ellu si pò : piacè. Chì a vita altr'affare chè un'affaccatella à a finestra ùn hè.

Eccu sperendu d'avetti aiutatu un pocu à vede e cose altrimenti chè sott'à l'angulu di a pulemica, a tensione o u cunflittu. Ma à chì fine tuttu què ? Aiò.

Iè a sò, aghju cappiatu un bellu pavé ma escia da u core :D
CORSI DI U MONDU : IL FAUT RENTRER.
Avatar du membre
libertà per i patriotti
Messaghji : 30236
Arregistratu u : 19 Apr 2005 18:24
Lucalisazione : Réserve indienne des derniers Corses vivant sur l'île
A remercié : 1 fois
A été remercié : 24 fois

Re: "I Arabi fora"

Message da libertà per i patriotti »

Attenti chi "azardu" hè una parolla araba sparta in tutte e lingue rumaniche. Inde stu casu hè piuttostu a fonte dubbitosa chi m'incheta di sicuru, ma l'affare m'hà incuriusitu. Ok pè "husky" inglese, ma mi pare stranarellu quantunque, mi saria aspettatu "l'husky" vistu a logica di a regula di Circione chi -pensu- s'avaria da appiegà à ogni parolla.

Cù "standardizazione" forse mi so' spressu male. Ma senza parlà di "2 lingue" l'impurtanza di a svariatezza dialettale ùn si po' tantu nigà, u fenomenu discrittu qui ind'è mè ùn esiste semplicemente micca, si meritava un dibattitu. Eppo ogni lingua hà a so parte d'incertezza, puru e più "standardizate", fedia u spagnolu cun ser/estar, di e volte ghjè evidente di e volte ghjè ambiguu è tandu i Spagnoli ùn ti la sanu spiegà...

Ok pè tuttu u restu, à bona sera à tè è scialati bè.
CORSI DI U MONDU : IL FAUT RENTRER.
Risponde