C'e qulachissia chi mi po traduce sta canzona: voce ventu A squadra di Voce Ventu.

Sei giuvanotti asgiati
Cù una passione tamanta
Per i canti indiati
A leva di u settanta
À issa terra arradicati
Guasi cum'è arba santa.
Sè vo sete d'accunsentu
Secondu a tradizione
Hè venutu lu mumentu
Di fà e presentazione
Attenti à e piulate
È i colpi di bastone.
U primu hè capirasciatu
Quant'è sarre di Niolu
U purtevule appiccatu
È a chitarra à u colu
Longu longu sfilanciatu
Cum'è un palu di fasgiolu.
Minguli in quantità
Note ne ghjoca à miliò
U secondu hè verità
Pussede l'arte maiò
Cugnome s'ellu ùn nè hà
U chjamaremu « Django ».
In fatti d'animazione
U terzu si ferma mutu
L'accade à l'occasione
D'ùn esse micca vinutu
Mandendu per spiegazione
Un chjavellu ribattutu.
R : Ghjè avà ch'à noi tocca
Semu in cerca di talentu
Basta ch'omu apri la bocca
Diventa un veru
scumpientu
Eccuti a filastrocca
Di a squatra Voce Ventu.
Incù a so bella cesta
Pelle mora i tratti fini
Ne face girà a testa
À e zitelle aiaccine
Ma li piace ancu à fà festa
È pigliassi e briachine.
L'altru chjappa li terzetti
Spezzanu li tempurali
Schiattanu toni è saetti
È fughjanu l'animali
I culombi, li falchetti
A volpe incù li cignali.
Forse u più cunnisciutu
Di scurdammine ùn possu
Dumanderete l'aiutu
Quand'ellu vi casca addossu
S'ellu sorte à lu prisuttu
Ùn vi lascia mancu l'ossu.
R : Ghjè avà ch'à noi tocca
Semu in cerca di talentu
Basta ch'omu apri la bocca
Diventa un veru
scumpientu
Eccuti a filastrocca

Di a squatra Voce Ventu.
A friscura sittembrina
Ammatta i suleoni
Hè finita l'estatina
È compie sò e canzone
Accozzanu in cantina
Centunai di milioni.
D'avè vistu mi ramentu
Un magnificu tesoru
U si sparte Voce Ventu
U fruttu di issu lavoru
Nutendu mezu à l'argentu
Cù e stacche piene d'oru.
Spergu ùn ci serà ferita
Postu chì nimu si lagna
Issa canzona hè finita
È lu mio estru muntagna
Forse l'avete capita…
Ghjera solu una macagna.
R :Ghjè avà ch'à noi tocca
Semu in cerca di talentu
Basta ch'omu apri la bocca
Diventa un veru
scumpientu
Eccuti a filastrocca
Di a squatra Voce Ventu.
Eccuti a filastrocca
Di a squatra Voce Ventu.
Eccuti a filastrocca
Di a squatra Voce Ventu.

O ghjenti, quale hè chi mi po dà è parulle di "ti vecu la mio bandera" di Voce Ventu?

Quì po, l'anu u successu Voce Ventu

Victarion a écrit :O ghjenti, quale hè chi mi po dà è parulle di "ti vecu la mio bandera" di Voce Ventu?

UPPU

Si ritrova a meludia ind'a canzona di Quilapayun "Vamos mujer"

Sempri-vivu a écrit :Si ritrova a meludia ind'a canzona di Quilapayun "Vamos mujer"

Mancu mi ne era accortu

Cumè tant'altre à st'epica : l'apertura annantu à l'universale. Forse chì Natale Luciane n'era u precursore ?

Bell'esempiu incù una di e più famose canzone corse : Compañero, da rende omagiu à e millaie di mamme Arghjentine rivultate contru à a dittatura militare di u paese, incù e prime misure di a musica di u filmu "Le rapace".
" onclick="window.open(this.href);return false;

Hè bè l'ultimu dischettu di L'Arcusgi ?

libertà per i patriotti a écrit :Hè bè l'ultimu dischettu di L'Arcusgi ?

Hè esciutu l'annu scorsu !

Ci sò belli testi (Casacconi, e sette nave, da eri à oghje...) canzone indiate, una puesia nant'à u cinque di maghju, una canzona basca, una pulifunia, è dui scritti nant'à sughjetti chì ti tenenu : lingua libertà è spatriatu. À mè mi piacenu "mora hè la mio bandera" è "sognu", cugnumata "piste 11" da i studienti curtinesi...

Iè aghju mancatu qualchì trenu sti pochi tempi...

Di quelle intese cusì in passendu m'hè piaciuta assai "Ribelli" !

Parlendu di dischettu, sabbatu ci hà da esse quellu di Voce Ventu, "Ci serà sempre un cantu", cù i magnifichi tube "O generale" è "Ti vecu o la mio bandera". Appena di dulcezza è di sensualità nanz'a timpesta di u sabbatu sera !

" onclick="window.open(this.href);return false;

Pocu mostru nò !

U Caccianincu a écrit :

libertà per i patriotti a écrit :Hè bè l'ultimu dischettu di L'Arcusgi ?

Hè esciutu l'annu scorsu !

Ci sò belli testi (Casacconi, e sette nave, da eri à oghje...) canzone indiate, una puesia nant'à u cinque di maghju, una canzona basca, una pulifunia, è dui scritti nant'à sughjetti chì ti tenenu : lingua libertà è spatriatu. À mè mi piacenu "mora hè la mio bandera" è "sognu", cugnumata "piste 11" da i studienti curtinesi...

Piste 11, canzona di a vittoria!

Per mè
"Ti vecu a mio bandera " è " o generale " sò tremende

U restu s'ascolta. Discu di qualità.

a muvra 1929 a écrit :Per mè
"Ti vecu a mio bandera " è " o generale " sò tremende

U restu s'ascolta. Discu di qualità.

"Ci serà sempre un cantu" un ti piace micca?